《2009年初秋北海道自驾之旅》- 第七天(3) – 札幌Cross Hotel、狸小路、北海道前浜料理

札幌嘅Cross Hotel系大阪以外日本第二间分店，因为住过大阪Cross Hotel印象好好，所以今次系札幌最后两晚选择入住Cross Hotel。札幌Cross Hotel同之前系小樽住嘅天然温泉 灯の汤 ドーミーインＰＲＥＭＩＵＭ一样有一个室内嘅假温泉，位于酒店顶楼。不过两间相比，我觉得天然温泉 灯の汤 ドーミーインＰＲＥＭＩＵＭ靓过Cross Hotel。

Cross Hotel正面，另一边系停车场入口。同其他酒店唔同，Cross Hotel系地下冇大堂入口，大堂系位于二楼。

Cross Hotel正面大街

系酒店check-in之后，我地先去还车。因为个天仲系不停落雨，所以决定去狸小路行下，睇下有冇咩买。狸小路系一条有上盖嘅步行街，位于地铁簿野駅同大通駅之间，由札幌駅坐两个站就到。不过同大阪东京相比，呢度真系冇咩值得行囉。

落雨湿湿又冇咩地方好行，决定揾个地方食D好嘢。最后误打误撞竟然系俾我地揾到一间好好食嘅日本料理店，叫做“北海道前浜料理”(Click入去呢个网页有佢嘅位置同coupon)，呢间嘢卖嘅海鲜直接来自一个叫枝幸港嘅渔港，好新鲜。

响螺刺身同北寄贝刺身，好鲜甜，正. . .正. . .正，食完忍唔住再要多一客。

寿司都好正. . . . .

烧蟹脚，不过冇刺身咁好食。

北海道前浜料理咁啱做紧开业周年纪念，有抽奖玩，抽中左送自家制牛奶软糖。我地抽中左一份，不过招呼我地果个中国留学生侍应俾左两份我地，一份有五粒，好经贵。D牛奶软糖真系好好味，不过要雪住，系雪柜攞出黎之后好快就会溶架啦。虽然之后系拉面共和国见到有一间卖类似嘅牛奶软糖，不过味道就差好远。

食完嘢落楼下见到仲系落紧雨，唯有返酒店休息。

薄野夜景. . . . .

第七天行程结束。