文章分类: 2008年东京春季赏樱+温泉之旅

2008年东京春季赏樱+温泉之旅(第六天) – 仙石原一之汤、大涌谷、箱根汤本

呢一晚真系成个行程中训得最好嘅一晚,不过半夜就发生左一D不可思议事件。话说我地系雨天下听住雨声好舒服咁入睡之后,训训下去到大约半夜时份,俾D”沙沙”声嘈醒左,本来唔想理佢架,不过嘈住晒好硬耳,于是咪起身睇下囉,原来系个电视自己开着左,不过画面就只得雪花。我估可能系之前只系用遥控器熄部电视,之后因为机器故障而引至自动开返啦。不过当时都唔得闲分析咁多,因为好眼训,所以将电视机个制熄左佢就继续训觉,好彩佢之后冇又再开返。

» 阅读全文

2008年东京春季赏樱+温泉之旅(第五天 [3]) – 仙石原一之汤

仙石原一之汤网页度教人搭巴士去到”仙石原文化センター前”站落车,然后再行6分钟路就可以去到,不过之前系网上见有去过嘅人介绍系”大原”站落车会比较方便,所以我地都谂住坐去大原站。问左司机原来架车唔去仙石原文化センター前,但就会去大原,咁当然啱晒我地啦。

» 阅读全文

2008年东京春季赏樱+温泉之旅(第五天 [2]) – 箱根町、芦之湖、海贼船

因为已经系午饭时间,去到箱根町开始肚饿啦。箱根町海贼船码头出面有间卖手信嘅专门店,楼上有间几大下嘅食店架,我地就系呢度食左系箱根嘅第一餐。呢间野真系好多游客食,仲见到有个旅行团系度食添,不过有个男侍应就真系冇乜礼貌。我地入到去以为系就咁坐低然后叫野食,但原来系要先系个Counter度写低个名同人数,再等佢地同你安排坐位架,第一次去鬼知咩,但个男侍应就表现得好唔耐烦咁,可能太多野做做到好燥。

» 阅读全文

2008年东京春季赏樱+温泉之旅(第五天 [1]) – 小田急火车、箱根、箱根神社

今日好兴奋啊,因为接住两日会离开东京去箱根游览,其实小弟对郊外地方比较有兴趣,反而大城市就麻麻地,所以对接住呢两日嘅行程好期待,可惜天公不造美,系东京嘅时候好地地,但系一去到箱根就落雨,仲系要落到我地上火车离开果阵就停,咁玩野,系唔系唔欢迎先?

» 阅读全文

2008年东京春季赏樱+温泉之旅(第四天 [2]) – 原宿、竹下通、明治神宫、千鸟渊公园、靖国神社夜樱

去到原宿先发现选错时间来,原来谂住星期六原宿会多D野睇,点不知星期六嘅原宿真系超多人,可以话水泄不通,原宿駅又鬼死咁细,落车之后迫出车站出面都迫左好耐先到。

» 阅读全文

2008年东京春季赏樱+温泉之旅(第四天 [1]) – 井之头公园、吉祥寺、新宿御园

今日系成个旅程中去得最多点景嘅一日,我地成个旅程总共去左五个樱花名所赏樱花,而今日一日之内就走左三处,真系行到脚都软,不过三个地方嘅樱花都真系好靓,就算行到脚痛都值得。

» 阅读全文

2008年东京春季赏樱+温泉之旅(第三天) – 上野恩赐公园、迪士尼乐园

今年可能好多人都俾东京嘅天气玩死,本来今年天气比上年冻左,人人都估今年樱花会比往年迟开,我地出发之前都系咁谂架,点知去到3月尾东京嘅气温突然回暖,搅到D樱花突然间开晒,比上年仲早左开花。

» 阅读全文

2008年东京春季赏樱+温泉之旅(第二天[1]) – 筑地市场

今次旅行每日都系大约7点半(即系澳门时间6点半)起身,今日系旅程第二日,早起都冇乜难度,起身洗完面著埋衫就出发去筑地市场。由新宿坐地铁丸之内线系霞ケ関转日比谷线,去到筑地站落车就到,出左车站大约行100米就见到筑地外市场架啦。

» 阅读全文

2008年东京春季赏樱+温泉之旅(第一天) – 新宿太子酒店

计划左成个几月,今日终于出发,心情当然兴奋啦。晨早4点零就起左身,因为要坐朝早6点船过香港,5点零就出门口坐的士囉。原来咁早call电召的士都有好多车,话咁快就到左码头。第一次咁早去到码头,有好多香港人坐系楼梯度恰紧,可能赌完等紧6点第一班船返香港。

» 阅读全文