----------

----------

2008年東京春季賞櫻+溫泉之旅(第二天[1]) – 築地市場

2008327(天晴,氣溫9~17度)

行程:築地市場 _ 淺草寺 _ 隅田川遊覽船 _ 台場

 

今次旅行每日都係大約7點半(即係澳門時間6點半)起身,今日係旅程第二日,早起都冇乜難度,起身洗完面著埋衫就出發去築地市場。由新宿坐地鐵丸之內線係霞ケ関轉日比谷線,去到築地站落車就到,出左車站大約行100就見到築地外市場架啦。

 

一出地鐵站就會見到嘅築地本願寺

築地本願寺

 

築地外市場

築地場外市場1

 

一到築地外市場,即刻可以見到呢間好多人食嘅井上拉麵

井上拉麵1

 

650一碗拉麵,有四塊肉,真係好好味,係今次係日本食過最好食架

井上拉麵2

 

築地外市場,由呢個路口行左邊同右邊都可以去到築地市場同魚之橫丁,行左邊會多野睇D,直行到神社轉右過左橋就係築地市場

築地場外市場2

 

築地市場嘅運輸車,好有特色

築地市場運輸車

 

豆類散賣用斗黎量

築地場外市場3

 

呢個季節只得士多啤梨當造

築地場外市場4

 

去到築地市場除左行下市場之外,最主要係想去試下食出名嘅築地壽司。出名嘅老店集中係築地市場對出嘅魚之橫丁,最多人排隊係壽司大同大和壽司呢兩間。其實老實講食嘅人唔係好多,有咁多人排隊只因佢嘅舖面好細,壽司大只有約10個人位,而大和壽司最多亦唔超過20個位,所以形成好似好多人排隊嘅感覺。

 

最多人排嘅係呢間壽司大,前面係大和壽司

壽司大門外

 

我地選擇左食大和壽司,不過係呢度排隊都幾受氣,個侍應成日出黎質D人排密D,可能怕阻塞條路掛,不過個侍應唔係太有禮貌囉

大和壽司門外

 

排緊隊冇野做影嘅大和壽司店內,另外仲有一邊,每邊大約只有9個位,好迫

大和壽司店內

 

我地排左大約都有9個字時間,入到去發現地方真係好迫,坐得唔舒服。一坐低佢就每人俾一個放壽司嘅木板,只係講左一個字“Set?”,跟住我地望下左右隔離,見每人都係一人一set,咁咪每人要左一set囉,後來先知原來可以幾個人叫一setshare架,蠢左

 

放滿晒呢塊板就為之一set,好似total有10件壽司,本來想等佢俾晒先影,但係佢見我唔食好似唔想再整俾我咁,唯有少少都影張先囉

大和壽司

 

本來抱住好大期望排左成大半個鐘諗住會食到D好好食嘅靚壽司,點知食左之後發現味道真係麻麻,食剩幾舊都唔想再食,唔只係我地,隔離幾個香港人都係。而且個壽司師傅好似好不滿咁,我地話好飽食唔落,佢仲話出面好多人好肚餓等緊入黎,即係明催我地走姐。最後賣單走人total 10,500円,即係一個set要3,500円,好貴。

 

隔離條橫街都有D舖頭好多人排

築地食店

 

食完壽司我地又行左去築地市場入面睇左一陣,然後係11點半左右就出發去下一站 – 淺草。

 

築地市場裡面,不過地下濕立立,冇乜野睇

築地場內市場

Related Posts Plugin for WordPress, Blogger...
2008年東京春季賞櫻+溫泉之旅(第二天[2]) - 淺草寺、隅田川遊覽船、台場
2008年東京春季賞櫻+溫泉之旅(第一天) - 新宿太子酒店

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁