----------

----------

2008年東京春季賞櫻+溫泉之旅(第六天) – 仙石原一之湯、大涌谷、箱根湯本

2008331(上午有雨,下午天晴,氣溫7~14度)

行程:一之湯溫泉旅館 _ 大涌谷 _ 箱根湯本 _ 新宿 _ 涉谷

 

呢一晚真係成個行程中訓得最好嘅一晚,不過半夜就發生左一D不可思議事件。話說我地係雨天下聽住雨聲好舒服咁入睡之後,訓訓下去到大約半夜時份,俾D”沙沙聲嘈醒左,本來唔想理佢架,不過嘈住晒好硬耳,於是咪起身睇下囉,原來係個電視自己開著左,不過畫面就只得雪花。我估可能係之前只係用遙控器熄部電視,之後因為機器故障而引至自動開返啦。不過當時都唔得閒分析咁多,因為好眼訓,所以將電視機個制熄左佢就繼續訓覺,好彩佢之後冇又再開返

 

訓左一覺好覺果朝7點半就起左身,可能呢幾日都習慣左呢個時辰起身啦。於是趁住未有早餐食同埋唔係咁多人,再去浸多一次溫泉。今次又係得我一個包晒個場,朝早因為光D,所以可以睇清楚個室外溫泉嘅環境,同前一晚浸嘅Feel又有D唔同。

 

其實朝早8點開始就有得食早餐,只要入去食堂有位就可以食架啦。我地摸到8點半先去食,發現果晚除左我地之外,仲有幾個香港人同幾個台灣人。

 

早餐,左下角條魚係主食,味道唔錯架,而左上角果舊係豆腐球,超難食

一之湯10

 

因為個天仲係不停咁落雨,所以我地都唔急住走,慢慢食完早餐之後再摸到差唔多10點先Check-out走人。因為落雨關係,所以決定今日只係去大涌谷,然後返去箱根湯本買完手信就早D返新宿。

 

因為諗住從桃源台坐吊車上大涌谷,所以今次唔係去返尋日落車個大原巴士站坐巴士,而係去仙石原文化センター前個巴士站等車,發現路程比去大原長左一半,不過其實都係好快到姐。

 

仙石原文化センター前個巴士站

仙石原2

 

可能朝早巴士班次少,我地足足等左20分鐘先有車,當時又凍又落住雨,巴士站附近又冇瓦遮頭,好慘。

 

可能星期一又早嘅關係,大涌谷唔係太多遊客,主要都係一車車旅行團。

 

呢度就係大涌谷啦,未行出去已經聞到好刺鼻嘅硫磺味

大涌谷1

 

係一之湯浸嘅溫泉就係呢D

大涌谷2

 

擔住遮行上去都好唔方便,其實主要都係上去上面間屋仔度買返一包黑玉子姐

大涌谷3

 

大涌谷出名嘅黑玉子就係呢度賣,500円一包有6隻,平過山下賣果D,又新鮮D

大涌谷4

 

黑玉子其實就係用溫泉水煮熟嘅雞蛋,不過因為有硫磺,所以浸完個外殼變成黑色,聽講食一隻可以延長壽命十年架,我地買左一包,有6隻,每人分左兩隻,各增加左20年壽命,嘻嘻

 

係大涌谷逗留到大約12點,之後我地就坐返吊車轉纜車到強羅,再轉坐登山電車去箱根湯本,準備買完手信就返新宿。

 

箱根湯本駅出口

箱根湯本1

 

一出箱根湯本駅就係手信街,好多手信賣,所以如果打算係箱根湯本坐車返東京,可以留返係呢度先買手信,唔洗係山上買左攞住咁辛苦啦。

 

箱根湯本手信街

箱根湯本4

 

都係箱根湯本手信街

箱根湯本6

 

好古老嘅收銀機啊

箱根湯本5

 

箱根湯本手信街後面有條咁嘅河

箱根湯本3

 

河上有條橋,對面就係富士屋

箱根湯本2

 

我地係箱根湯本行左兩個鐘,搵左間舖頭食完Dinner就走人囉。因為人唔多,好容易可以買到指定席飛。因為係箱根湯本上車嘅人唔多,其實就算唔買指定席飛都有位坐,不過費事中途俾人叫起身,所以都係用多870円買個安心好D

 

唔知係唔係個天玩我地,當火車開始離開箱根湯本時,個天就唔再落雨,之後仲慢慢有返陽光添,不過沿途仍然冇機會睇到富士山。

 

回程都係坐左大約個半鐘多D,4點4左右就返到新宿駅,跟住先順便行過去買定後日去機場嘅巴士車飛,車費要3,000円一位。5點返到新宿太子Check-in,之前幾日住對住火車軌果邊,覺得火車經過時有D嘈,所以今次要求佢俾另一邊對住歌舞伎町嘅房,不過覺得都係無乜分別既。

 

係酒店休息左個幾鐘,係時候出去搵食啦,今晚決定去位於涉谷嘅美登利食壽司。美登利就係對住涉谷車站嘅Mark City4樓,Mark City入面冇咩舖頭,不過因為係轉車必經之路,所以都好多人。我地去到果陣大約係7點,已經有20幾人排緊隊啦,最後排左45分鐘先入到去食,真係好受歡迎啊。

 

美登利門口

美利登1

 

我地點左嘅其中兩樣野,一個壽司Set,另外一個海鮮蒸水蛋,好味…..

美利登2

 

食完野跟住係涉谷行下,然後就返酒店休息啦。

 

涉谷車站外,棵櫻花樹好靚啊

涉谷1

 

涉谷

涉谷2

Related Posts Plugin for WordPress, Blogger...
2008年東京春季賞櫻+溫泉之旅(第七天) - 秋葉原、銀座、新宿六歌仙
2008年東京春季賞櫻+溫泉之旅(第五天 [3]) - 仙石原一之湯

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁