----------

----------

2012年巴黎、倫敦雙城之旅 – Day 6:坐歐洲之星巴黎到倫敦

係巴黎停留四日之後,今日要離開法國過海去英國倫敦啦。從巴黎到倫敦我地會坐歐洲之星火車,開車時間係上午11點幾,因為怕遲到上唔到車,所以我地9點就係酒店check-out出發去巴黎北站。

2012年巴黎、倫敦雙城之旅 – Day 6

 

要同呢間住左四晚嘅Htel Cordelia Paris講拜拜啦。

2012年巴黎、倫敦雙城之旅 – Day 6_01

 

歐洲之星巴黎嘅車站設係巴黎北站(Gare du Nord),由我地住呢區去巴黎北站如果唔轉車只可以坐RER鐵路E線,從Haussmann – Saint-Lazare總站坐到巴黎北站旁邊嘅Magenta落車。因為拖住喼行樓梯好唔方便,所以之前已經探定路,知道係老佛爺百貨嘅Lafayette Gourmet有扶手電梯落去地鐵站,入左地鐵站就可以直接通到去RER E線嘅Haussmann – Saint-Lazare站,不過因為地鐵站同RER站之間相距都幾遠,所以路程唔短。巴黎地鐵同RER可以轉乘,所以係入地鐵站果陣插左地鐵飛之後,去到RER站唔需要另外再入飛。

 

RER鐵路站與站之間相距好遠,所以由Haussmann – Saint-Lazare站到Magenta站之間只係相隔一個站。落車之後只需要係室內沿指示行幾分鐘就可以去到巴黎北站,歐洲之星車站係地面果層,

2012年巴黎、倫敦雙城之旅 – Day 6_02

 

再係呢度上去就係歐洲之星車站位置,地方唔大。

2012年巴黎、倫敦雙城之旅 – Day 6_032012年巴黎、倫敦雙城之旅 – Day 6_042012年巴黎、倫敦雙城之旅 – Day 6_08

 

我地嘅歐洲之星車票出發之前已經自己print左出黎,所以唔需要再出票,如果選擇係車站出票,可以係車站內嘅服務櫃台或者自助機出票。有關購買歐洲之星車票嘅介紹可以參考呢篇《如何購買歐洲之星(EuroStar)車票》。

 

進入歐洲之星候車室之前需要先通過英國海關嘅入境檢查,同機場入境檢查一樣,填好一張入境表,每件行李上掛上一個歐洲之星嘅行李牌再過X光檢查就可以,過程好快,如果人少唔洗排隊10分鐘攪掂。

2012年巴黎、倫敦雙城之旅 – Day 6_052012年巴黎、倫敦雙城之旅 – Day 6_06

 

仲有時間入閘前先係車站食埋最後一餐法國早餐

2012年巴黎、倫敦雙城之旅 – Day 6_07

 

歐洲之星嘅候車室,地方唔係好大。

2012年巴黎、倫敦雙城之旅 – Day 6_092012年巴黎、倫敦雙城之旅 – Day 6_102012年巴黎、倫敦雙城之旅 – Day 6_11

 

候車室裡面都有間PAUL餅店,買定D餅車上食。

2012年巴黎、倫敦雙城之旅 – Day 6_15

 

上車啦,車票有劃位唔洗急,不過如果想有位放行李,都係保險D早D上車啦。

2012年巴黎、倫敦雙城之旅 – Day 6_122012年巴黎、倫敦雙城之旅 – Day 6_13

 

車上放置大件行李嘅行李架。

2012年巴黎、倫敦雙城之旅 – Day 6_162012年巴黎、倫敦雙城之旅 – Day 6_17

 

歐洲之星車廂

2012年巴黎、倫敦雙城之旅 – Day 6_202012年巴黎、倫敦雙城之旅 – Day 6_14

 

車上有一卡係小賣部

2012年巴黎、倫敦雙城之旅 – Day 6_18

 

沿途風景

2012年巴黎、倫敦雙城之旅 – Day 6_192012年巴黎、倫敦雙城之旅 – Day 6_21

 

經過兩個鐘多D嘅車程終於到達倫敦聖潘克拉斯火車站(St Pancras)‎,不過因為英國同法國相差一個時區,所以到達倫敦時只係當地中午12點半。

2012年巴黎、倫敦雙城之旅 – Day 6_222012年巴黎、倫敦雙城之旅 – Day 6_23

 

聖潘克拉斯火車站(St Pancras)‎同地鐵King’s Cross St. Pancras站相連,搭地鐵之前先係地鐵站嘅Travel Information and Tickets Center買兩張Oyster卡先。

2012年巴黎、倫敦雙城之旅 – Day 6_242012年巴黎、倫敦雙城之旅 – Day 6_25

 

呢兩張就係黎緊五日伴隨我地穿梭倫敦嘅Oyster卡啦,想了解多D關於Oyster嘅介紹可以參考呢篇《倫敦旅遊交通費慳錢攻略:應該購買 Oyster 還是 Travelcard?》。

2012年巴黎、倫敦雙城之旅 – Day 6_812012年巴黎、倫敦雙城之旅 – Day 6_82

 

今次係倫敦入住嘅酒店係白金漢宮附近,旁邊就係地鐵St. James’s Park站,由King’s Cross St. Pancras站坐Circle線唔駛轉車。

2012年巴黎、倫敦雙城之旅 – Day 6_262012年巴黎、倫敦雙城之旅 – Day 6_272012年巴黎、倫敦雙城之旅 – Day 6_28

 

呢間就係我地今次旅程係倫敦入住四晚嘅酒店,叫St Ermin’s Hotel – MGallery Collection

,詳細嘅酒店介紹同住宿評價可以參考呢篇《住@倫敦St Ermin’s Hotel – MGallery Collection》。今次之所以會入住呢間咁高級嘅酒店,係因為用HotelsCombined搵酒店嘅時候,無意中發現呢間酒店做緊promo,價錢比正常平好多。

2012年巴黎、倫敦雙城之旅 – Day 6_292012年巴黎、倫敦雙城之旅 – Day 6_302012年巴黎、倫敦雙城之旅 – Day 6_312012年巴黎、倫敦雙城之旅 – Day 6_322012年巴黎、倫敦雙城之旅 – Day 6_33

 

因為未到check-in時間,我地將行李放低係酒店之後,先出去玩。酒店旁邊就係Victoria Street,街對面有個小市集,先過去睇睇。

2012年巴黎、倫敦雙城之旅 – Day 6_342012年巴黎、倫敦雙城之旅 – Day 6_352012年巴黎、倫敦雙城之旅 – Day 6_362012年巴黎、倫敦雙城之旅 – Day 6_372012年巴黎、倫敦雙城之旅 – Day 6_38

 

沿Victoria Street向維多利亞火車站行冇幾遠,係就到火車站之前有一間威斯敏斯特主教座堂(Westminster Cathedral),唔洗入場費可以免費入去參觀。

2012年巴黎、倫敦雙城之旅 – Day 6_392012年巴黎、倫敦雙城之旅 – Day 6_40

 

再向前行就係維多利亞火車站

2012年巴黎、倫敦雙城之旅 – Day 6_412012年巴黎、倫敦雙城之旅 – Day 6_422012年巴黎、倫敦雙城之旅 – Day 6_43

 

英國嘅物價好高,旅遊景點嘅入場費亦絕對唔平,所以我地係出發之前已經上網買左兩張兩日嘅London Pass,而且選擇係倫敦攞卡。係維多利亞火車站附近行左一陣之後,我地就坐地鐵去攞London Pass。想了解多D有關London Pass同購買方法嘅介紹,可以參考呢篇《倫敦通行證(London Pass): 倫敦自由行必買!》。

 

攞London Pass嘅地點係Leicester Square地鐵站附近,出左地鐵站向特拉法加廣場方向行冇幾遠就到。

2012年巴黎、倫敦雙城之旅 – Day 6_442012年巴黎、倫敦雙城之旅 – Day 6_452012年巴黎、倫敦雙城之旅 – Day 6_48

 

攞London Pass嘅地方就係呢個圓頂亭裡面。

2012年巴黎、倫敦雙城之旅 – Day 6_462012年巴黎、倫敦雙城之旅 – Day 6_47

2012年巴黎、倫敦雙城之旅 – Day 6_83

2012年巴黎、倫敦雙城之旅 – Day 6_842012年巴黎、倫敦雙城之旅 – Day 6_85

 

攞完London Pass我地順路行過去特拉法加廣場(Trafalgar Square)。

2012年巴黎、倫敦雙城之旅 – Day 6_49

2012年巴黎、倫敦雙城之旅 – Day 6_522012年巴黎、倫敦雙城之旅 – Day 6_532012年巴黎、倫敦雙城之旅 – Day 6_54

 

廣場後面係國家美術館(National Gallery),入去睇左一陣覺得冇咩興趣。

2012年巴黎、倫敦雙城之旅 – Day 6_552012年巴黎、倫敦雙城之旅 – Day 6_502012年巴黎、倫敦雙城之旅 – Day 6_51

 

從特拉法加廣場右邊嘅大街向北行10分鐘可以去到Piccadilly Circus。

2012年巴黎、倫敦雙城之旅 – Day 6_562012年巴黎、倫敦雙城之旅 – Day 6_572012年巴黎、倫敦雙城之旅 – Day 6_612012年巴黎、倫敦雙城之旅 – Day 6_58

 

Piccadilly Circus係個好易認嘅地標,好多人坐係度休息。

2012年巴黎、倫敦雙城之旅 – Day 6_592012年巴黎、倫敦雙城之旅 – Day 6_60

 

Piccadilly Circus向東到Charing Cross Road嘅Leicester Square地鐵站之間係倫敦唐人街,呢區特別熱鬧,雖然感覺有D雜,但係對於中國人呢度點都會俾到你一種熟識嘅親切感。

2012年巴黎、倫敦雙城之旅 – Day 6_632012年巴黎、倫敦雙城之旅 – Day 6_642012年巴黎、倫敦雙城之旅 – Day 6_652012年巴黎、倫敦雙城之旅 – Day 6_662012年巴黎、倫敦雙城之旅 – Day 6_672012年巴黎、倫敦雙城之旅 – Day 6_682012年巴黎、倫敦雙城之旅 – Day 6_692012年巴黎、倫敦雙城之旅 – Day 6_702012年巴黎、倫敦雙城之旅 – Day 6_71

 

Piccadilly Circus西北邊嘅攝政街(Regent St)係倫敦高級購物區,從Piccadilly Circus沿攝政街至牛津街(Oxford St)一帶特別熱鬧,不過呢區酒店超貴,如果唔係都會住係呢頭。

2012年巴黎、倫敦雙城之旅 – Day 6_722012年巴黎、倫敦雙城之旅 – Day 6_732012年巴黎、倫敦雙城之旅 – Day 6_742012年巴黎、倫敦雙城之旅 – Day 6_752012年巴黎、倫敦雙城之旅 – Day 6_762012年巴黎、倫敦雙城之旅 – Day 6_77

 

放工時間牛津街上嘅Oxford Circus地鐵站超多人,都係行夜D先返酒店。

2012年巴黎、倫敦雙城之旅 – Day 6_78

 

返到酒店佢地已經幫我地安排好間房,不過入到房發現間房唔係我地book果種,雖然呢間房比我地book果間高級D又大間D,但係呢間係一間兩張床嘅Twin Room,所以都係堅持要求佢地換房。

2012年巴黎、倫敦雙城之旅 – Day 6_79

 

最後終於換左間房俾我地,可以好好休息啦。

2012年巴黎、倫敦雙城之旅 – Day 6_80

 

– Day 6 完 –

 

Related posts:

Related Posts Plugin for WordPress, Blogger...
2012年巴黎、倫敦雙城之旅 – Day 7:盡用London Pass,一天遊覽西敏寺、泰晤士河、倫敦塔
2012年巴黎、倫敦雙城之旅 – Day 5:巴黎老佛爺百貨掃貨

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁