今日既行程原本係計劃上午去京都嵐山，下午去二條城，然後再去貴船神社睇紅葉。但後來覺得京都既紅葉並唔係想像中咁靚，團友又想多D時間去shopping，所以下午既行程改為去心齋橋一帶行街。

上一次黎京都既時候按照旅遊書介紹，去過位於河源町既魚心壽司食晚餐，當時真係覺得好正好好味，所以今次諗住再去回味，不過食完覺得D材料同味道同上次好似差好遠，所以今次都唔係食左好多，亦都冇影到相。

秋天關西既天氣都幾清爽下，呢幾日氣溫都係介乎7度至15度之間，除左早晨較凍之外，其實大部份時間都可以唔著褸。不過開頭幾日就冇乜陽光，個天陰陰地，都有D影響影相既質素架。

今日係東京之旅last第二日，所以今日安排嘅行程主要係血拚 – Shopping。最後兩日嘅酒店房包埋早餐，每位加HK$50架，不過D早餐好難食，冇樣野啱我口味，所以只係食左少少。

呢一晚真係成個行程中訓得最好嘅一晚，不過半夜就發生左一D不可思議事件。話說我地係雨天下聽住雨聲好舒服咁入睡之後，訓訓下去到大約半夜時份，俾D”沙沙”聲嘈醒左，本來唔想理佢架，不過嘈住晒好硬耳，於是咪起身睇下囉，原來係個電視自己開著左，不過畫面就只得雪花。我估可能係之前只係用遙控器熄部電視，之後因為機器故障而引至自動開返啦。不過當時都唔得閒分析咁多，因為好眼訓，所以將電視機個制熄左佢就繼續訓覺，好彩佢之後冇又再開返。

仙石原一之湯網頁度教人搭巴士去到”仙石原文化センター前”站落車，然後再行6分鐘路就可以去到，不過之前係網上見有去過嘅人介紹係”大原”站落車會比較方便，所以我地都諗住坐去大原站。問左司機原來架車唔去仙石原文化センター前，但就會去大原，咁當然啱晒我地啦。

因為已經係午飯時間，去到箱根町開始肚餓啦。箱根町海賊船碼頭出面有間賣手信嘅專門店，樓上有間幾大下嘅食店架，我地就係呢度食左係箱根嘅第一餐。呢間野真係好多遊客食，仲見到有個旅行團係度食添，不過有個男侍應就真係冇乜禮貌。我地入到去以為係就咁坐低然後叫野食，但原來係要先係個Counter度寫低個名同人數，再等佢地同你安排坐位架，第一次去鬼知咩，但個男侍應就表現得好唔耐煩咁，可能太多野做做到好燥。

今日好興奮啊，因為接住兩日會離開東京去箱根遊覽，其實小弟對郊外地方比較有興趣，反而大城市就麻麻地，所以對接住呢兩日嘅行程好期待，可惜天公不造美，係東京嘅時候好地地，但係一去到箱根就落雨，仲係要落到我地上火車離開果陣就停，咁玩野，係唔係唔歡迎先？

去到原宿先發現選錯時間來，原來諗住星期六原宿會多D野睇，點不知星期六嘅原宿真係超多人，可以話水洩不通，原宿駅又鬼死咁細，落車之後迫出車站出面都迫左好耐先到。

今日係成個旅程中去得最多點景嘅一日，我地成個旅程總共去左五個櫻花名所賞櫻花，而今日一日之內就走左三處，真係行到腳都軟，不過三個地方嘅櫻花都真係好靚，就算行到腳痛都值得。

今年可能好多人都俾東京嘅天氣玩死，本來今年天氣比上年凍左，人人都估今年櫻花會比往年遲開，我地出發之前都係咁諗架，點知去到3月尾東京嘅氣溫突然回暖，攪到D櫻花突然間開晒，比上年仲早左開花。

係隅田川上坐船賞櫻花真係幾正架，夜晚係酒店見電視都有播。我地3點半左右已經到左台場，一上岸就係台場海濱公園，隔離就係商場Aqua City Odaiba，商場後面就係富士電視台。

今次旅行每日都係大約7點半（即係澳門時間6點半）起身，今日係旅程第二日，早起都冇乜難度，起身洗完面著埋衫就出發去築地市場。由新宿坐地鐵丸之內線係霞ケ関轉日比谷線，去到築地站落車就到，出左車站大約行100米就見到築地外市場架啦。

計劃左成個幾月，今日終於出發，心情當然興奮啦。晨早4點零就起左身，因為要坐朝早6點船過香港，5點零就出門口坐的士囉。原來咁早call電召的士都有好多車，話咁快就到左碼頭。第一次咁早去到碼頭，有好多香港人坐係樓梯度恰緊，可能賭完等緊6點第一班船返香港。

話咁快五日旅程終於到左last day，朝早一樣又係7點半起身，8點半食早餐。9點左右過去黑門市場再行下，因為諗住朝早d野會多d同新鮮d，而且咁早其他舖頭仲未開，只可以行下街市。去到見到好多師奶係度買餸同買生果，最後我地都買左d桃同栗子帶返澳門。

今日嘅行程主要係去大阪城、天保山，同埋去難波至心齋橋一帶行街買野。今日係大阪市內遊覽，交通同景點入場券使用大阪周遊卡2日券，唔洗另外再俾錢。

今日主要去環球影城，由於環球影城今日開10點，所以訓晏小小先起身。因為酒店房包早餐，當然食埋早餐先出發啦。早餐冇咩特別野食，不過我覺得佢個味噌湯幾好飲。

坐嵯峨小火車同係台北瑞芳坐小火車去十分好相似，都係一邊係山一邊係溪流，不過係嵯峨野嘅風景就靚好多啦。 山下溪流中途嘅車站嵯峨野除左坐小火車之外，仲可以坐船漂流，沿途見有好多架船，好似好正，不過要用成兩個鐘先漂玩，唔夠時間玩

遊覽嵐山公園、渡月橋、天龍寺、竹林加埋大約要用2個鐘時間，去到嵯峨小火車嘅嵐山站啱啱好係10點9左右，去埋洗手間等車就啱啱好。嵯峨小火車行走嵯峨站至龜岡站之間，全程要25分鐘，你可以由嵯峨站坐到龜岡站落車，亦可以倒轉由龜岡站坐去嵯峨站，視乎你嘅行程安排同買到邊班車車飛。

行程：（9月30日，天晴，氣溫27度） [10:00]（澳門時間）出門口 >> [10:30]飲茶 > […]