今日既行程原本系计划上午去京都岚山，下午去二条城，然后再去贵船神社睇红叶。但后来觉得京都既红叶并唔系想像中咁靓，团友又想多D时间去shopping，所以下午既行程改为去心斋桥一带行街。

上一次黎京都既时候按照旅游书介绍，去过位于河源町既鱼心寿司食晚餐，当时真系觉得好正好好味，所以今次谂住再去回味，不过食完觉得D材料同味道同上次好似差好远，所以今次都唔系食左好多，亦都冇影到相。

秋天关西既天气都几清爽下，呢几日气温都系介乎7度至15度之间，除左早晨较冻之外，其实大部份时间都可以唔著褛。不过开头几日就冇乜阳光，个天阴阴地，都有D影响影相既质素架。

今日系东京之旅last第二日，所以今日安排嘅行程主要系血拼 – Shopping。最后两日嘅酒店房包埋早餐，每位加HK$50架，不过D早餐好难食，冇样野啱我口味，所以只系食左少少。

呢一晚真系成个行程中训得最好嘅一晚，不过半夜就发生左一D不可思议事件。话说我地系雨天下听住雨声好舒服咁入睡之后，训训下去到大约半夜时份，俾D”沙沙”声嘈醒左，本来唔想理佢架，不过嘈住晒好硬耳，于是咪起身睇下囉，原来系个电视自己开着左，不过画面就只得雪花。我估可能系之前只系用遥控器熄部电视，之后因为机器故障而引至自动开返啦。不过当时都唔得闲分析咁多，因为好眼训，所以将电视机个制熄左佢就继续训觉，好彩佢之后冇又再开返。

仙石原一之汤网页度教人搭巴士去到”仙石原文化センター前”站落车，然后再行6分钟路就可以去到，不过之前系网上见有去过嘅人介绍系”大原”站落车会比较方便，所以我地都谂住坐去大原站。问左司机原来架车唔去仙石原文化センター前，但就会去大原，咁当然啱晒我地啦。

因为已经系午饭时间，去到箱根町开始肚饿啦。箱根町海贼船码头出面有间卖手信嘅专门店，楼上有间几大下嘅食店架，我地就系呢度食左系箱根嘅第一餐。呢间野真系好多游客食，仲见到有个旅行团系度食添，不过有个男侍应就真系冇乜礼貌。我地入到去以为系就咁坐低然后叫野食，但原来系要先系个Counter度写低个名同人数，再等佢地同你安排坐位架，第一次去鬼知咩，但个男侍应就表现得好唔耐烦咁，可能太多野做做到好燥。

今日好兴奋啊，因为接住两日会离开东京去箱根游览，其实小弟对郊外地方比较有兴趣，反而大城市就麻麻地，所以对接住呢两日嘅行程好期待，可惜天公不造美，系东京嘅时候好地地，但系一去到箱根就落雨，仲系要落到我地上火车离开果阵就停，咁玩野，系唔系唔欢迎先？

去到原宿先发现选错时间来，原来谂住星期六原宿会多D野睇，点不知星期六嘅原宿真系超多人，可以话水泄不通，原宿駅又鬼死咁细，落车之后迫出车站出面都迫左好耐先到。

今日系成个旅程中去得最多点景嘅一日，我地成个旅程总共去左五个樱花名所赏樱花，而今日一日之内就走左三处，真系行到脚都软，不过三个地方嘅樱花都真系好靓，就算行到脚痛都值得。

今年可能好多人都俾东京嘅天气玩死，本来今年天气比上年冻左，人人都估今年樱花会比往年迟开，我地出发之前都系咁谂架，点知去到3月尾东京嘅气温突然回暖，搅到D樱花突然间开晒，比上年仲早左开花。

系隅田川上坐船赏樱花真系几正架，夜晚系酒店见电视都有播。我地3点半左右已经到左台场，一上岸就系台场海滨公园，隔离就系商场Aqua City Odaiba，商场后面就系富士电视台。

今次旅行每日都系大约7点半（即系澳门时间6点半）起身，今日系旅程第二日，早起都冇乜难度，起身洗完面著埋衫就出发去筑地市场。由新宿坐地铁丸之内线系霞ケ関转日比谷线，去到筑地站落车就到，出左车站大约行100米就见到筑地外市场架啦。

计划左成个几月，今日终于出发，心情当然兴奋啦。晨早4点零就起左身，因为要坐朝早6点船过香港，5点零就出门口坐的士囉。原来咁早call电召的士都有好多车，话咁快就到左码头。第一次咁早去到码头，有好多香港人坐系楼梯度恰紧，可能赌完等紧6点第一班船返香港。

话咁快五日旅程终于到左last day，朝早一样又系7点半起身，8点半食早餐。9点左右过去黑门市场再行下，因为谂住朝早d野会多d同新鲜d，而且咁早其他舖头仲未开，只可以行下街市。去到见到好多师奶系度买𩠌同买生果，最后我地都买左d桃同栗子带返澳门。

今日嘅行程主要系去大阪城、天保山，同埋去难波至心斋桥一带行街买野。今日系大阪市内游览，交通同景点入场券使用大阪周游卡2日券，唔洗另外再俾钱。

今日主要去环球影城，由于环球影城今日开10点，所以训晏小小先起身。因为酒店房包早餐，当然食埋早餐先出发啦。早餐冇咩特别野食，不过我觉得佢个味噌汤几好饮。

坐嵯峨小火车同系台北瑞芳坐小火车去十分好相似，都系一边系山一边系溪流，不过系嵯峨野嘅风景就靓好多啦。 山下溪流中途嘅车站嵯峨野除左坐小火车之外，仲可以坐船漂流，沿途见有好多架船，好似好正，不过要用成两个钟先漂玩，唔够时间玩

游览岚山公园、渡月桥、天龙寺、竹林加埋大约要用2个钟时间，去到嵯峨小火车嘅岚山站啱啱好系10点9左右，去埋洗手间等车就啱啱好。嵯峨小火车行走嵯峨站至龟冈站之间，全程要25分钟，你可以由嵯峨站坐到龟冈站落车，亦可以倒转由龟冈站坐去嵯峨站，视乎你嘅行程安排同买到边班车车飞。

行程：（9月30日，天晴，气温27度） [10:00]（澳门时间）出门口 >> [10:30]饮茶 > […]